உலகையே உருக்கும் படம்

ஆம். இந்த படத்திலுள்ளவர்தான் நெடுங்காலமாக உலகை உருக்கிவருகிறார். :)

இதன் அற்புதமான க்ளோஸ்-அப் காட்சியை நாசா விண்வெளி ஆராய்ச்சி மையம் அருமையாக படம்பிடித்து வெளியிட்டுள்ளனர். பாருங்கள் எவ்வளவு அழகா இருக்குன்னு. நேருக்கு நேரா இந்த மாதிரி பார்க்க முடியுமா? எப்படித்தான் இவ்வளவு நெருக்கமான தோற்றத்தை தருமளவு படம் புடிக்கிறாய்ங்களோ! வளர்க அறிவியல்.

http://solarsystem.nasa.gov/multimedia/gallery/PIA03149.jpg

சூரியனின் வெளிப்புற வெப்பநிலை சுமார் 6000° C தானாம். ஆனால், உட்புறத்தின் வெப்பநிலை சுமார் 1,50,00,000° C. நமக்கு 40-50° C வெப்பத்துக்கே கண்ணை கட்டுது.

யப்பா சூர்யா, சூடாவுறதை கொஞ்சம் கொறச்சுக்கப்புடாதா??

இட்லிவடை யாரென்று தெரிந்துவிட்டது

இட்லிவடை. தென்னிந்திய உணவு வகைகளில் மட்டுமில்லாமல் தமிழ் பதிவுலகிலும் மிகவும் பிரபலமான் பெயர். சூடான அரசியல் செய்திகளுக்கு பெயர் போனவர். இவர் யாரென அறிந்து கொள்வதில் பலருக்கும் ஆர்வம் இருக்கிறது.

இப்போது அவர் யாரென்று தெரிந்து விட்டது. அவர் பெயர் ஆனந்த் கோபாலன். சிங்கப்பூரில் இருக்கிறார். அவரது ஆங்கில வலைப்பூவில் நான் பார்த்த தகவல்கள் இது. என்ன நம்ப முடியவில்லையா? இங்கே சென்று பாருங்கள்.

இன்று அவருடைய வலைப்பதிவு முகவரியை தட்டச்சும்போது 'idlyvadai' என்பதற்கு பதில் 'idlivadai' என்று தட்டிவிட்டேன். வந்து விழுந்தது மேற்சொன்ன ஆங்கில வலைப்பதிவு. :)

எல்லாரும் இடையிடையே புழுதிய கிளப்புறாங்களேன்னு நானும் என்னால முடிஞ்சதை செய்யுறேன். :))))
(யாருக்கு தெரியும் ஒரு வேளை இது நம்ம இட்லிவடையா கூட இருக்கலாம்!)

எங்கே எல்லாரும் ஒரு வெறியோட கிளம்பிட்டீங்க? நான் விடுறேன் ஜூட்ட்ட்ட்ட்ட்ட்ட்!!

க்ரீமி லேயரும் நானும்

மக்களே! சில நாட்களாகவே பதிவிடாமல் (??) இருந்து விட்டேன். வெறும் வாசகனாகவே மட்டுமே இருந்து வந்தேன்(??). இடையிடையே பின்னூட்டியும் வந்தேன். நான் தலைமறைவாக இருந்ததின் காரணம் சில துபை வலைப்பதிவர்களுக்கு மட்டுமே தெரியும்.

சரி, மேட்டருக்கு வருவோம். இந்த இடைப்பட்ட காலத்தில் தமிழ்மணத்தில் சுவராஸ்யத்திற்கு குறைவில்லாமல் நிகழ்வுகள் நிகழ்ந்தவண்ணமே இருந்தன. வழக்கம்போல வெட்டு குத்து என கொலைவெறி தணியாமலே இருந்து வந்திருக்கிறது.

அப்படி வந்து (மீண்டும்) போன பிரச்சனைகளில் ஒன்றுதான் இந்த 'க்ரீமி லேயர்' மேட்டர். நானும் இதில் அப்படி என்னதான் இருக்கின்றதென விழுந்து விழுந்து (அடிபடாமல் தான்) படித்தேன். கொஞ்சம் மரமண்டை தான். இருந்தாலும் இதில் என்னால் ஒரு முடிவுக்கு வரமுடிந்தது. நாமலும் இந்த 'க்ரீமி லேயர்' பற்றிய நமது நிலைப்பாட்டை தெரிவித்து விடுவதென.

எனக்கு எப்பவுமே இந்த க்ரீமி லேயர் மீது மோகம் இருந்ததில்லை. எனக்கு பிடிக்கவே பிடிக்காது. அதை தவிர்த்தே வந்திருக்கிறேன். ஆனால் பாருங்கள் என் வீட்டிலேயே இதைப் பற்றி இரண்டு விதமான எண்ணங்கள். சிலருக்கு மிகவும் பிடிக்கும். அதற்காக சண்டை சச்சரவுகள் எதுவுமே வருவதில்லை. நான் ஊரில் இருந்த போதும் சரி இப்போது துபையில் இருந்த போதும் சரி. என்னுடைய நிலைப்பாடு 'ஐ ஹேட் க்ரீமி லேயர்' தான். அதற்காக, யாரையும் நான் 'க்ரீமி லேயர் வைக்கக்கூடாதென' வற்புறுத்த போவதில்லை. எனக்கு பிடிக்கவில்லை எனில் ஒதுக்கிவிடுவேன்......



ஒதுக்கி விட்டு கேக்(cake)-n மற்ற பாகங்களை அப்படியே சாப்பிடுவேன். திகட்டும் அந்த க்ரீமி லேயர் புடிக்கலைங்கிறதுக்காக கேக் சாப்பிடாம இருக்க முடியுமா?

ரொம்ப நாள் கழிச்சு வந்ததும் 'மொக்கை' போட்டுட்டேனோ? மக்களே மன்னிச்சுக்குங்க...